又一年喇！
無唸過我已經成年無打過呢個Blog…= ="
當初我升上中學無耐就整左呢個Blog。可能有啲人唔知，呢個Blog本來係喺Windows Live Space整嘅，原因係一有新Blog Post都可以顯示喺人地個MSN上面，等小學同學知道我嘅最新動向。
我細細個有個夢想：就係當我地大個左之後，無論你記唔記得小學同學嘅人名，你都仲記得小弟有個為大家而設嘅Blog。
我好希望Our Funny World可以成為小學同學聯絡大家嘅共同平台。
亦都係驅使我一直以黎繼續寫呢個Blog嘅原因。
不過，facebook已經徹底取代左我呢個blog嘅功能啦…
我有時喺度唸，如果當日我將「時刻俾人知道最新動向」呢個idea發揚光大，今日會唔會就變左第二個facebook呢？XD
anyway，今日，無論係中學同學定小學同學，只要係地球人，都應該有用facebook溝通，無facebook嘅，恐怕在這個世界上就只有火星人了…orz
時過境遷，Windows Live Space而家接埋左，Our Funny World都變左做Wordpress。連小弟同一班好同學都準備升大學喇。而家喺facebook，有中學班會，小學班會。但係，有時行行下街撞到熟人，時不時都會走過黎問小弟：
Our Funny World你仲寫唔寫架？
小弟覺得最欣慰嘅，係除左小學同學之外，有啲我唔熟嘅中學同學，雖然有我facebook，都照問我呢個Blog嘅動向。
所以，我都要在此感謝各位六年黎，支持同關注呢個Blog呀。
寫Blog，對我黎講係一個享受，將一啲平時唔敢講嘅嘢係Blog度講，有時甚至唔小心係Blog得罪人，不過，呢個就係我，我行我素，呢度就係我記錄生活軼事嘅日記簿。
但係要經營兩個Blog，就真係比較難。所以，我唯有決定不再在Our Funny World張貼日記，專注其他聯絡平台網站。大家可以瀏覽其他網站繼續支持我。
Fairy Tales: http://kelvintales.blogspot.hk/
Facebook: http://www.facebook.com/manchunw
Our Funny World 